डाक्टरबाट अन्तरिक्षयात्री: इतिहास रच्ने मे जेमिसन!
आजको खगोल इतिहास | १७ अक्टोबरबिरामीको उपचार गर्ने डाक्टर। इन्जिनियर। अनि अन्तरिक्ष पुग्ने पहिलो अश्वेत महिला! यी सबै परिचय एउटै व्यक्तिका हुन् - मे जेमिसन। 
१७ अक्टोबर १९५६ मा अमेरिकाको अलाबामास्थित डिकाटरमा उनको जन्म भयो। विज्ञानमा सानैदेखि रुचि राख्ने जेमिसन १६ वर्षमै स्ट्यानफोर्ड विश्वविद्यालय पुगिन्। त्यहाँ इन्जिनियरिङ पढेपछि कर्नेल विश्वविद्यालयबाट डाक्टर बनिन्। 
अन्तरिक्षयात्री बन्नुअघि उनले पश्चिम अफ्रिकाका सिएरा लिओन र लाइबेरियामा पीस कोरकी चिकित्सा अधिकृतका रूपमा काम गरिन्। 
सन् १९८७ मा नासाले उनलाई अन्तरिक्षयात्री प्रशिक्षणका लागि छान्यो। पाँच वर्षपछि, १२ सेप्टेम्बर १९९२ मा, स्पेस सटल एन्डेभर चढेर उनी अन्तरिक्ष पुगिन्। त्यही उडानसँगै अन्तरिक्ष पुग्ने पहिलो अश्वेत महिलाका रूपमा इतिहास रचिन्। 
एसटीएस–४७ अभियानमा उनले झन्डै आठ दिन अन्तरिक्षमा बिताइन्। त्यहाँ हड्डीका कोषसम्बन्धी अनुसन्धानलगायत वैज्ञानिक प्रयोगमा काम गरिन्। 
रमाइलो कुरा!बाल्यकालमा "स्टार ट्रेक" शृङ्खलाकी अश्वेत महिला पात्र लेफ्टिनेन्ट उहुराबाट उनी अन्तरिक्षयात्राका लागि प्रेरित भएकी थिइन्। नासा छोडेपछि जेमिसन आफैँले "स्टार ट्रेक: द नेक्स्ट जेनेरेसन" को एउटा भागमा अभिनय गरिन्! 
आकाश हेरौँ, ब्रह्माण्ड बुझौँ।
Comments (0)
No comments yet. Be the first to join the discussion.
Add a comment
Write your comment below. You’ll be asked to log in. Your saved comment will be posted automatically if your email is verified.